حاسبى ياغربه عليه

بكينى واضحكى ليه

أحلى الأوقات
__________________

الساعة 11 الضهر

لا هو بعد 12 وتحس ان الشمس جامدة أوى او ان كده خلاص اليوم ضاع

وتيجى بعدها 1 و 2 واليوم بيجرى بسرعة

ولا قبل كده هتحس ان اليوم لسه فى أوله والجوة ساقعة ومفيش شمس

لكن على 11 بتبقى الشمس هادية أوى ودافية جدااا والشارع فاضى

وياسلام بقى لو دخلت البلكونة بكوباية شاى او شاى بلبن

وبالك رايق

اللحظة ديه محدش يحس بيها اللى ستات البيوت

عشان الناس كلها فى الوقت ده بتبقى فى الشغل

_____________

الساعة 4 ونص الفجر

وقت الفجر لما تصلى وتخش البلكونة تسبح وتتفرج على الشارع وهو فاضى

وترفع راسك تشوف السما زرقاااااااا وفاضية اوى وفيها نجوم

وياسلام لو لسه مخلصة مطر

تحس ان الجو مندى كده وفى ماية على خفيف

والجو يبقى ساقعة - بس ليه متعة كده خاصة
_____________

الساعة 4 ونص المغرب

قبل ما المغرب يأذن بنص ساعة مثلا كده بيبدا الناس اللى مربية حمام تطيرها

وتقعد تطير فى مجموعات فوق العمارات فى دواير

والسما يبدأ لونها يلون احمر على خفيف أوى

ياريت زمانى ميصحنيش

نفسى فى حتة دفا

أنا شخصية وحشة أوى

بجد أوى

لو ماتجى

من الصبح وانا عايزة اكتب بوست ومش عارفة
ومش عايزة اكتب حاجة مش حساها فى وقتها
مش بحب اكتب اى كلمة فى البوست غير لما بكون حساه أوى وقت مابكتب
حتى لو كان أى هبل - بس ليه مرجعية عندى
كتبت الصبح يجى 7 بوستات وارجع امسح كل شوية
مش مجرد فكرة انا هكتب بوست اقوم اكتب بوست وخلاص
او فى مناسبة فلازم اكتب بوست
لا - المفروض - انا حاسة بده فهكتب بوست
" بكلم نفسى "
_______________

لحد من شوية الموبايل بيرن بنغمة لو ماتجى
اول مرة الموبايل يقعد يرن ومش عايزة أرد كانى اول مرة بسمع الاغنية
كأنى بجد أول مرة اسمعها مع انى عارفاها وحفظاها
رحت شغلت الجهاز وقعدت اسمعها حسيت كأنى بسمعها بودن تانية خالص
والكلمات باحساس تانى خالص أول مرة اسمعها
وكأن صوتها زعلان وبيعاتب كل مرة بتخيل ان صوتها بيضحك بتضحك وهى بتغنيها
الواحد لما بيسمع اغنية بيفهمها على حسب احساسه ونفسيته
مرضتش اعمل كوبى وبست للكلمات - سمعتها وكتبت وراها عشان حساها اوى
_______________

لو ماتيجى ع نوم عينيى .. وبايدك تهز الغفا
توعى الحنين اللى فيا ... اللى كان على البعد انطفى

لو ماتجى

صالحتنى مع الدنى رجعتنى للولدنى
طفلة صغيرة مشيطنة على الارض عم تركض حفا
قبلك قلبى كان شجرة بلا عصافير
جنة بلا الوان فراشة ما فيها تطير
غيرت الزمان .. بدلت البرد بدفا

لو ماتجى

لو ما الهوى يمرؤ ع بابى ويمحى بنسماته الضجر
كنت رضيانى بعذابى لا هم حب ولا قمر
لو ما الهوى
علمت قلبى على الحكى نسيتنى كيف البكى
وامسح الدمعة ملبكى ع رمش تعبانة سهر
قبلك قلبى كان شجرة بلا عصافير
جنة بلا الوان فراشة مافيها تطير
غيرت الزمان بدلت البرد بدفا

لو ماتجى

______________

علمت قلبى على الحكى نسيتنى كيف البكى
غيرت الزمان بدلت البرد بدفا

يارب دمها عليا نعمة واحفظها من الزوال

يا تكون قد الحياة .. يا تعيش وحيد وسط الدروب

هو أنا خايفة أوى كده ليه

Pick one...only one babe

But be totally satisfied

otherwise.. u will be lost in the garden

الحنين قتال

ياخوفى من حبات المطر

أشعر بالخوف من المجهول.. فقوينى

أشعر بالخوف من الظلماء.. فضمينى

أشعر بالبرد .. فغطينى وظلى قربى غنيلى

_____________


كان نفسى تقفى جمبى اليومين دول

داخلة على أصعب مراحل حياتى - وأنتى مش جمبى

حاسة انى عايزة اعيط أوى

____________

متلجة

شكرا على وقفتك جمبى

فى اليوم ده

_____________

ولاعمرى هنسهالك بجد

أن اليوم عدى بالشكل ده

__________

البوست اللى كان المفروض يتكتب

فى التاريخ ده اتغير خالص

_________

متنسوش تقروا الفاتحة لأموات المسلمين كلهم
________

ربى ارحم ابى وامى كما ربيانى صغيرا

_____________

ربنا يرحمك ياماما
_________

جوايا كلام كتير عن ماما

بس مش عايزة اتكلم

حاسة ان الكلام نشف واتحجر - سنتين كتير

بسرعة يازمن

اجري بيا بسرعة

الله يخليك

هجيب صبر لده كله منين

أنا ملحقتش انسى


استنى شوية عليا ..


متسلمنيش لجرح تانى دلوقتى


عشان خاطرى استنى شوية


ماشى ؟

اللهم لا اعتراض

what a dilemma !!

...........

ربنا بياخد أحلى الناس

واحنا بنقابل احلى الناس - ودايما مش بيكونوا بين ايدينا أو مش من نصيبنا

ببساطة: مش مكتوب لنا نكمل معاهم درب الحياة للاخر

وله فى ذلك حكم ... الحمد لله

البوست ده انا هخرف فيه اوى وهقول حاجات غريبة كتير - بس أنا حاسة بيها اوى - أنا بس

--------------------


فى أفلام الكرتون دايما اخر نص ساعة بتتقسم على جزئين

الربع الأول بتبدأ " عقدة الفيلم " تتحل

عادة مايكون البطل فيها قاعد ادام بحر بليل وبيفكر ومخنوق وعلى اخره اوى - لان كل المشاكل والعقد فى الفيلم بتكون وصلت هنا للقمة

و بيقى المشاهد هنا فى قمة التركيز فى الفيلم ومتعاطف اوى مع البطل وبيقول ياعينى وهيعمل ايه - ده تلاقى الضغط عنده ارتفع مت كتر الحزن والمشاكل وهيتصرف ازاى

فى الربع ده بقى بيبقى عادة ظاهر أن البطل قاعد ادام البحر بليل لونه أسود وصوت الحشرات وفى نور أصفر على خفيف والسما مليانة نجوم - وبيهرش فى شعره وعينيه مدمعة مثلا ومخنوق اوى وعمال يندب بحظه وكل حاجة كل حاجة اتقفلت مفيش حد معاه

وفشل فى كل حاجة - كل حاجة بمعنى الكلمة - فشل فى انه اصلا يكون فاشل - مقدرش يوصل حتى للمرحلة ديه

-------------------

ومرة واحدة بيظهر بصيص للأمل

بتظهر شخصية حكيمة تقول كلمتين للبطل تأثر فيه اوى - وعادة مابتكون الدرس المستفاد من الفيلم يعنى - الكلمتين الى بنروح نكتبهم ونحفظهم - من الحاجات اللى بتهون علينا اوى لما بنقراها وبنجرى نكتبها فى نوتس


المهم بيقول الكلمتين بتوعى - وبتبقى بصراحة واو - فى الجون

يقولهم من هنا ويقوم البطل يقوم يجرى عشان يبدأ يحل مشكلة الفيلم - ايا كانت يعنى

وهنا بقى بيبدا اخر جزء فى الفيلم وهو الربع التانى - عادة بيكون ضرب بقى وانتقام وفى الاخر دايما النهايات السعيدة :riri:

مفيش ولا مشكلة غير لما تتحل - -حتى لو فى نملة كان عندها مشكلة بتتحل

ولازم تكون اخر صورة فى الفيلم خضرة وفراشات وسعادة دائمة

--------------

البوست ده جالى فى بالى يوم الاتنين الساعة 2 بليل وانا قاعدة نفس القعدة اللى بيقعدها البطل فى الربع الاول

لقيت نفسى كل الكلام ده جيه فى بالى ورحت بصيت حواليا - على اساس انى هلاقى القرد " الشخصية الحكيمة " اللى هتيجى تقولى الكلمتين وتحللى كل مشاكلى وتخلى الحياة بمبى - right :riri:

رحت ابتسمت سخرية - مش على حاجة غير على سذاجتى - وقمت رميت طوبة فى الماية وقريت الفاتحة على كذا حد افتكرته ساعتها ومشيت

انا بعشق السما

علشان زيك مسامحة مزروعة نجوم وفرحة وحبيبة وغريبة

وعشان زيك بعيدة وساعات زيك قريبة بعيون متنغمة

انا بعشق السما

البرد قاسى والدفا بيقل

والجروح بتسلم خطوتى لجرح تانى

.................

الجروح بتسلم خطوتى لجرح تانى

فى كده مواقف الواحد بيمر بيها .. مش بيبقى محتاج فيها غير حضن امه

بجد مش بيبقى فى أى حل تانى وقتها

كنت فى ابتدائى او اولى اعدادى

وكنت شاطرة جدا فى الفصل والمستر عارفنى وبيحبنى جدا فى الحساب والهندسة وكل شوية ريهام ريهام

جيت فى امتحان الهندسة كان فى مسألة لو رسمت الرسمة صح هعرف اكتب البرهان

المهم حلتها وكنت حاسة انى بخرف جداااااااااااااا وعينى دمعت ..

مش عشان حاجة الا منظرى فى الفصل وادام المستر لما يصحح ويشوف درجتى

فعينى لمحت - بالصدفة - ورقة اللى جمبى كانت بتغير الورقة فعينى وقعت على الرسمة

فعرفت انى لو غيرت ضلع واحد هيتغير كل الرسمة وهيبقى البرهان منطقى

قعدت افكر اصلحها ولا لأ ... المفروض انى مش بغش يعنى ..

بس الموقف كان صعب اوى عليا .. خصوصا لما يكون حد شافك حاجة كبيرة ويقولك خيبت أملى

رحت غيرت الضلع وكتبت البرهان كله من اول وجديد

وفضلت اراجع ومظبطة الورق .. جت المراقبة بتعدى وبتاخد

رحت لقيت نفسى شطبت على الرسمة كلها

وكتبتها جمبيها خطأ وعملت سهم على الرسمة اللى قبليها - اللى كانت غلط

وسلمت الورقة

فضلت تلات ايام مش بنام

مبنمش بمعنى الكلمة .. وكل ماافتكر قلبى يبقى فى رجلى

فى البيت قالولى عادى يابنتى وده امتحان شهر

وماما لما لقتنى مش بنام ومش باكل قالتلى انا مش زعلانة وفى ستين داهية

انا كان يهمنى بس منظرى ادام المستر

المهم جيه المستر يقول الدرجات وسط الفصل .. لقيته بيقول انى جبت الدرجة النهائية

اكتشتفت بعد كده انه لما بص على الرسمة الصح واللى انا شاطبة عليها غلط صححها وادانى الدرجة عليها

وراعى ظروف التوتر والهطل بتاع الامتحانات ده

قلت ياه ربنا ممكن يعمل اى حاجة.. بجد فى ايديه اى حاجة مهما كانت صعبة انها تتحل

........................

مبفتكرش الموقف ده .. غير لما بيبقى عندى نفس الاحساس

حاجة خايفة منها اوى أوى وحاسة بكرب وهم فى قلبى وكل ماافتكر قلبى ينقبض

ومش هينفع تتحل غير بمعجزة او حاجة من عند ربنا كده

وان مش بايدى حاجة اعملها

انا بقالى يومين مش بنام وخايفة جدا ...

مكنش ادامى غير انى امبارح قعدت ادعى كتيييييييير فى صلاة التراويح

أنا عارفة يارب ان اللى بيلجألك .. بتنصره

.....................

اللهم اجعل لى من كل ما أهمنى وأكربنى من أمر دنياى وأخرتى فرجا ومخرجا، وارزقنى من حيث لا أحتسب، واغفر لى

ذنبى وثبت رجائى واقطعه عمن سواك، حتى لا أرجو أحدا غيرك

طلى بالأبيض

من يومين كنت فى فرح وكان فى استراحة كده فى النص.. ومرة واحدة اشتغلت كده اغنية غريبة

دخلة الموسيقى غريبة اوى

راحت العروسة قامت مرة واحدة وسابت كوشتها وراحت على مامتها وقعدت تبوس ايدها

وفضلنا طول الاغنية بنتفرج على العروسة وهى عمالة تبوس ماماتها وهى بتعيط

بغض النظر عن الموقف نفسه المهبب يعنى

الاغنية غريبة جدااا ومكنتش عارفة اسمع الكلمات نفسها

واختى جمبى ساعتها كانت عمالة ترغى عشان خطيبها جمبيها فمكسوفة

لحد مازعقتلها عشان اسمع الكلمات وفى الاخر خاصمتنى فى اليوم ده

المهم بحسب الاغنية بتاعت فيروز ومعرفتش اسمع الكلمات بوضوح...

أول ماروحت البيت قعدت تلات ايام بالظبط مش بعمل حاجة على النت غير انى بدور على الاغنية

ديه بس على اساس انها بتاعت فيروز :riri:

غباء سودانى .. فضلت متضايقة اوى .. معرفش عجبتنى فى ايه

هى يمكن شدتنى اكتر لأنى كنت عايزة اعرف الكلمات .. أو الموقف نفسه .. مش عارفة

فوجئت انهاردة مروة بالصدفة بتقولى بتاعت ماجدة الرومى

اول مادخلت البيت جبتها على طول:

..............................

طلي بالأبيض طلي يا زهرة نيسان
طلي يا حلوة و هلي بهالوج الريان

واميرك ماسك ايديكي و قلوب الكل حواليكي
و الحب بيشتي عليكي ورد وبيلسان

قلبي بيدعيلك يا بنتي بهالليلة الشعلاني
يا اميرة قلبي انتي سلمنا الامانة

ما تنسي أهلك ياصغيرة
بعينينا ما صرتي كبيرة
ضلي معنا و طيري وطيري ع جناح الامان

شعي متل هالطرحة يا أغلى البنات
صلي تعيشو بهالفرحة لباقي الحياة

و ربي من السما يباركن
كيف ما توجهت يرافقكن
بايام الصعبة ينصركن
ع كل الاحزان
قلك نعم من قلبه و فرح كل الناس
رديها ع قلبو حب و شعلاني احساس

اللهم ألهمني القدرة على الصبر

أحمد مظهر فيلم صلاح الدين

...................

انا مش خايفه من الموت ياابراهيم انا خايفه عليك بعد ماموت

فيلم حبيبى دائم

..................

انا زعلانه أوى من الدنيا يا فاطمة

مني ذكي من فيلم عن العشق و الهوى -

................

انا بقيت زى الجزيرة اقرب واحد ليا علي البر التاني

محمود يس في فيلم الجزيرة

.....................

انا مش ندمانه علي اي لحظه حب عيشتها معاك لاني كنت حساها بجد

انت عمرك حبتنى انت قعدت شهور عشان توصل لحاجه مع ان كان فى ايديك كل حاجه

حلا شيحه في فيلم السلم والتعبان

........................

أصعب حاجة في الدنيا لما تحب حد اوي وتتعلق بيه ويبقي مش من حقك حتي تسلم عليه لما تشوفه

تامر حسني في فيلم عمر و سلمي

.......................

مش هيرجع علشان جوزى مش كلب يا ماما

فيلم سهر الليالي

حنان ترك

.....................

انا اتغيرت عشانك ليه ادتنى كل حاجه وفى لحظة اخدت منى كل حاجه

غادة عادل فى الباشا تلميذ

.....................

انا عايز اغني اللي جوايا جايز يكون تافه بس انا حاسه

عمرو دياب في فيلم ايس كريم في جليم

........................

القهوة دى اصيله بتحتوى الانسان

محمد شرف في اسف علي الازعاج

.........................

الشبه مش تقاطيع وملامح... الشبه روح واحساس

بوسي فى فيلم حبيبي دائماً

لو عصفت رياح الهم عصفا‏

ولو قصفت رعود الموت قصفا‏

ففي أذني عند النزع صوت‏

يحول لي عزيف الجن عزفا‏

فيطربني وذلك صوت امي‏

.............

ولو هجمت على قلبي البلايا

‏ وهدت سور آمالي الرزايا‏

فان باب فردوسي ملاكا‏

يسل السيف في وجه المنايا

‏ فيحرسني وذلك طيف امي‏

................

فيحرسنى وذلك طيف أمى

طول عمرى خايفة أحب و أعشق زى كل الناس

لأنى مملكش فى حياتى غير حبة الاحساس

...................

أليسا - أحلى دنيا

الشوارع حواديت

الشوارع حواديت
حواديه الحب فيها
وحودايه...عفاريت
اسمعي يا حلوة لما اضحكك

الشارع دا كنا ساكنين فيه زمان
كل يوم يضيق زيادة عن ما كان
اصبح الآن بعد ما كبرنا عليه
زي بطن الأم مالناش فيه مكان

الشوارع حواديت
حودايه الحب فيها
وحودايه...عفاريت
اسمعي يا حلوة لما أضحكك

الشارع دا رحنا فيه المدرسة
اللي باقي منه باقي
واللي مش باقي...اتنسى
كنسوه الكناسين بالمكنسة
ييجي دور لحظة أسى
أنا برضه كمان نسيت

والشوارع حواديت
حودايه الحب فيها
وحودايه...عفاريت
اسمعي يا حلوة لما أضحكك

الشارع دا أوله بساتين
وآخره حيطة سد
ليا فيه قصة غرام ماحكيتش عنها لأي حد
من طرف واحد...وكنت سعيد أوي
بس حراس الشوارع حطوا للحدودته حد

الشوارع حواديت
حودايه الحب فيها
وحودايه...عفاريت
اسمعي يا حلو لما أضحكك

الشارع دا شفتك إنتي ماشية فيه
لابسة جيب...وبلوزة وردي
وعاملة ديل حصان وجيه
اتجاهك اتجاهي...مشينا ليه
والشارع دا زحام وتيه
بس لازم نستميت
والشوارع حواديت
حودايه الحب فيها
وحودايه...عفاريت
واضحكي يا حلوة لما اسمّعك

.....

كل ماانساها افتكرها
طيبة وحنان مش موجودين غير فيها هى
كان قلبها من غير مااقول يحس بيا
...........................

انتى مش متخيلة بجد انا من غيرك بقيت ازاى

يوتيوب لعمرو دياب

ساعات عمرو دياب بيغنى فى الحفلات قبل الاغنية ذات نفسها كام جملة كده لوحدهم ويقوم بعدها مدخل عليها الاغنية

الكام جملة دول بيبقوا اصلا احسن من الاغنية

قعدت اجمعهم هم كتير .. البوست ده اصلا درافت من ايام الثورة عشان كنت بجمعهم..بس للاسف دول اللى صوتهم حلو وواضح

فى واحدة بتاعت انتى فى دمى .. جامدة جدا بس صوتها مسرسع

اتفرجوا على دول لحد مالاقى حفلة عدلة

بالشفا

yesterday

Yesterday,
All my troubles seemed so far away,
Now it looks as though they're here to stay,
Oh, I believe in yesterday.

Suddenly,
I'm not half the man I used to be,
There's a shadow hanging over me,
Oh, yesterday came suddenly.

Why she
Had to go I don't know, she wouldn't say.
I said,
Something wrong, now I long for yesterday.

Yesterday,
Love was such an easy game to play,
Now I need a place to hide away,
Oh, I believe in yesterday.

Why she
Had to go I don't know, she wouldn't say.
I said,
Something wrong, now I long for yesterday.

Yesterday,
Love was such an easy game to play,
Now I need a place to hide away,
Oh, I believe in yesterday.

Mm-mm-mm-mm-mm-mm-mm.

.........................

Yesterday ... Beatels

....................

كنت بستغرب اوى لما كانوا يقولوا ان الفرقة ديه اكتر فرقة مشهورة بغباء

بس فعلا لما تسمعوا الاغنية كمان هتلاقوها تحفة

كنت بعمل سيرش عن الاغنية ولقيت الفيديو ده

يارب يعجبكم زى ماعجبنى

تنهيده جرحنى

قطر الحياة

قطر الحياة بيفوت

من غير صفير و لا صوت

مشاعرنا فين احنا

نسمع ساعات تنهيد

من قلب قطر حديد

تنهيده جرّحنا

آه

اـــــه


و إن كان في قلبه هموم

هتكون ملامحه في يوم

من نفس ملامحنا

فضفض يا قطر و قول

لسة الطريق موصول

اوصل و ريحنا

قطر الحياة بيفوت


من غير صفير و لا صوت

مشاعرنا فين احنا

نسمع ساعات تنهيد

من قلب قطر حديد

تنهيده جرّحنا


أغنية قطر الحياة-واما

كتير أوى عليا

زمان لما كانت بتتقفل فى وش الواحد من كل ناحية .. ويحس انه مش عارف يفرفر من اللى هو فيه .. ومفيش حاجة واحدة حلوة فى حياته ...

ومن كتر الخنقة مش عارف ياخد نفسه.. حاسس أن فى حاجة واقفة فى زوره... وكل مايحاول يهرب يلاقى اللى ادامه يجرح أكتر واكتر وأكتر واكتر ... ومش لاقى اللى يقف معاك ويحس بيك


كان بيرجع البيت يلاقى أمه

......................

بجد كمية ألم ... لاتوصف

Do not Pretend u give a shit

مبقتش حمل ريشة

بس الزمان مرضيش

ربنا يرحمك ياعمو

أنتيم بابا أتوفى

الراجل ده كان تانى أقرب واحد لبابا ... كان معاه فى السعودية .. مكنش بيحب يبيت فى الشقة مع اى حد غير معاه ...

كان بابا يقولى احنا الاتنين دماغ وفاهمين بعض.. باقى الجروب مختلفين عننا

أنا وهو نفس التفكير ونفس اسلوب الحياة .. الوحيد اللى كنت بحب اختار الشقة معاه واقعد بالشهور معاه
....................

رحنا زرناه من كام شهر.. أول ماشفته دمعت .. كان شبه بابا اوى فى اخر ايامه .. كان عنده نفس مرض بابا .. ابنه

لما شافنى دمعت قعد يقلب القعدة كلها هزار ... كنت مبسوطة انى شفته ..كنت حاسة انه هيموت قريب أوى.. كان

شكله شبه بابا فى اخر ايامه

......................

انهاردة التليفون رن وريدت ... قلبى مرة واحدة اتاخد حسيت ان هسمع حاجة مش كوسية

أول ما مراته قالتلى تفتكرى انتى ياحبيبتى .. فضلت ساكتة وانا باصة لنفسى فى المراية ...فضلت ساكتة كتير ... مش

عارفة ليه

أنا معيطتش .. بالعكس هو كان تعبان جدا وبقاله مدة كبيرة بيصارع مع المرض .. هو كده ارتاح

بس كان من ريحة بابا .. الوحيد اللى كان لسه بيتكلم عن بابا وعن حكاياته .. حتى اختار المدفن بتاعه جمب بابا

ربنا يرحمك ياعمو ويدخلك فسيح جناته

يارب أرحم ابى وامى وهاجر

وارحم كل اموات المسلمين

لما كان

الكلام ده لما كان عندى 9 أو 10 سنين ...

منساش اليوم ده ابدا والموقف ككل .. فاكراه بأدق التفاصيل

خرجنا من المطار وصلنا السعودية ...بابا لابس جلبية بيضا والصندل البنى اللى ليه صوباع واحد ادام مقفول ده والدنيا

كانت ليل اوى فى الفجر أو قبله بشوية وهادية .. مفيش غير صوت الحشرات وحركة الشجر .. بس كان

نور القمر جامد .. وكام نجمة متوزيعن ..

لأنى دايما ببص لفوق وانا بمشى لحد ما ماما تزعقلى او اتكعبل ...

وكان فى سلك حديد على اليمين كده طويل أوى كاننا فى السجن مثلا... وكان فى زلط فى الأرض كتير

.....................

بابا استقبلنا وركبنا العربية .. كان لونها أحمر

كالعادة مشغل موعود لعبد الحليم ... وزقيت اختى وملت براسى على الشباك

شوية ورحت قعدت على المسند اللى بيبقى فى نص العربية وعمالة اقاطع بابا وماما فى الكلام

ومحدش بيرد عليا ومعبرنى .. رحت سكت وتنحت شوية و

قلت لنفسى:

الصورة ديه هتفضل للأبد... أبويا وأمى ادام بيرغوا فى العربية ..

أبويا ايديه جامدة ومليانة شعر وعروق وحاططها على الدركسيون وريحته سجايره مختلطة بالبرفان ....

الجاكت الجلد .. شيك أوى

وأمى .. جمبه عماله ترغى وتاخد فى الكلام وتدى ..مهوداة فى الكلام الكتير بتاع شغله

حتى ولو مش فاهمة حاجة او مش عايزة تسمع

انا واخواتى فى العربية ورا .. انا فى النص عشان لو عملنا حادثة او عفريت وقفنا .. اختى يخطفها العفريت من اليمين

والتانية من الشمال وانا ابقى فى النص سليم " طريقة تفكيرى الساذجة "

.............................

والمطبات كانت كتيرة اوى وعالية .. وعبد الحليم عمال يغنى .. وصوت ماما وبابا فى الكلام عالى وكتير .. بابا عمال

يحكيلها على الشغل والشهرين اللى قعدهم لوحده .. ومتحمس أوى وعمال يضحك جدااا

زهقت لما لقيت محدش عبرنى.. رحت رجعت مكانى فى النص تانى جمب اخواتى

وفضلت اسمع معاهم عبد الحليم واحنا ساكتين مش بنتكلم

............................

منساش الصورة ديه ابدا والموقف كله .. معرفش ليه
.........................

كنت متخيلة ان الحياة أسهل من كده بكتير

بكتشف مر الحقيقة .. بعد فوات الأوان

لما تجرح حد .. عادى

لما تعوره بالسكينة.. عادى

لكن لما يكون حد أصلا متعور وتحط السكينة فى الجرح ده وتدوس بايدك.. .يبقى مش عادى

يبقى مش عادى

......................

لما تضرب حد فى ضهره .. عادى

لكن لما يكون الحد ده مسلملك أمره وواثق فيك وتطعنه فى ضهره ... يبقى مش عادى

يبقى مش عادى

اللى قلبه حنين ده مش يتقدر بثمن وبس

ده يتشال والله من الأرض شيل

.....................

عشان بقى عملة نادرة أوى

أول مرة أشوف ألبوم الصور من بعدك

زمان كنت بركز بس على بابا

دلوقتى بقيت محتارة .. مش عارفة ابص على مين

عينى كانت هتاكل الصور

.................

أبويا وأمى وحشونى أوى

.................

أنا بجد مبقتش عارفة أكمل

..............

من حقى أتألم

قلبك جامد ... بس مش قاسى

فى فرق أظن ... مش كده برده

!!!

قلبى ده ايه

غلطتى

هى دايما بتبقى غلطتى

ومحدش بيتحمل الغلط فى الاخر غيرى


.......................

بعمل كده ليه


انا ايـــــه

قلبى ده ايـــــه

عــــــزوة

نسيت الحب

نسيت الاحساس بالحب

نسيت روعة الشعور ده

...................

خايفة يجى عليا اليوم اللى أقول فيه لنفسى

نسيت أحب

الحمد لله

قدر الله وماشاء فعل

أختى الكبيرة دخل فيها ميكروباص وهى سايقة العربية .. وطلع فوق العربية بسبب السرعة وكسر العربية من الناحية الشمال بالسقف

أنا مش مجمعة ومش عارفة أقف على رجلى

مش عارفة لو حصل لها حاجة..... انا هعمل ايه !!!

ادعولها بالشفا

..........................

عشان كده كلمتك

I SET U FREE

لأنك مش من حقى .. مش ملكى

وانا متعودتش اخد حاجة مش ملكى

ياريت الاقى جواب

ذكريــــــــــــــــــــات

نفسى بجد أمسح الكلمة ديه من قاموسى
.........................

لو عشت حاجة حلوة اوووووووووووووى مع حد حلو اوووووووووووووووووى
والحد ده مبقاش موجود فى حياتك لأى سبب من الاسباب
تمشى فى الشارع عادى ...سبحان الله ... عينك متقعش غير على اللى بيفكرك بالحد ده
او بموقف يفكرك بيه بتشوف ادامك نفس اللى حصل مع الحد ده معاك زمان ... كانه تاريخ بيعيد نفسه
طب اغمض عينى ... طب اعمل ايه فى قلبى واحساسى اللى مبيهمدش!!!
بجد الواحد حاسس والله انه بيموت كل يوم اكتر من مرة
.................................

لو فى اصعب وقت فى حياتك ... بجد اصعب وقت فى حياتك " حس اوى بالجملة ديه "
وجيه حد طبطب عليك بجد ووقف معاك اوووووووووووووى
وبدأت معاه تاخد نفسك ... حتة حتة وبراحة .. لحد مابدأت تقف على رجليك تانى
والله احساس كأن نور الشمس دخل قلبك من تانى
حد بجد حبك اوى واستحملك اوى وفهمك أوى .. واتعلقت بيه اوى
وفجأة الحد ده مبقاش موجود برده فى حياتك ترجع تقع تانى !!!
ساعتها بجد ياريت يرجع زى الاول .. بيبقى انيل لأنه اتعلق بقشاية .. هيحرم انه يتعلق بحد تانى
أنا مش عايزة اتعلق بحد تانى
..................................

مع ان الذكريات بتضايق الواحد ... بس اى حاجة بتمسح الذكرى ديه .. بتضايق الواحد برده
على راى منير " مابين كده أو كده مش مرتاح انا "
الراجل ادامى وهو بيدهن بالفرشة الحيطة .. والله كانه بيمسح ذكريات
كانى شايفة مسرحية على الحيطة بتحصل وعمالة تتغطى بلون جديد
.......................................

هو ينفع الواحد يعيش من غير أم !!!
يعيش: " لاتشمل هنا معنى الاكل والشرب والبقاء على قيد الحياة ... لكن بمعنى أن تعيش "
......................

ليه مينفعش الناس تعيش بحرية .. تضحك وقت ماهى عايزة .. تعيش من غير اى قيود ...
ليه الناس متخيلة ان النجاح فى حياة الواحد تشمل النجاح فى العمل والشغل او المذاكرة
انك تكون مبسوط فى حياتك وبتضحك من قلبك .. ديه مش نجاح !!
لما تبقى علاقتك مع ربنا متظبطة صح ويبقى راضى عنك .. ده مش نجاح!!
لما تحب حد ويحبك بجد ...ده مش نجاح !!!
ليه الناس عقلها بقى محدود .. ليه الناس نسيوا ان الواحد عمره بقى فسوة ونص ..
ليه عايزين يقضوا فسوة وربع جد والربع الباقى يتقسم على اى حاجة تاينة غير انه يضحك
.......................

ليه لما تروح الانترفيو تعيش الدور وتلبس كلاسيك أوى لدرجة انك تنسى اسمك اصلا
ليه لما تقول " قشطة " فى مكان شغلك يبصولك باحتقار واستغراب
ليه لما تقول لحد " انا بحب الفول والطعمية " يبصلك نفس البصة اللى يبصهالك اى حد يسمع الجملة ديه
ليه لما تضحك بصوت عالى وتدى للحظة ديه حقها .. يقولك " وطى صوتك .. ايه الضحك ده كله .. مش مستاهلة "
اموت واعرف ايه اللى خلاها مش مستاهلة

......................
ليه الناس الصح بتتقابل فى القطر الغلط

...................

ياريت الاقى جواب

من فات حبيبه تاه

حنية الدنيا

خايفة أووووووووووووووووووى
مش عارفة والله أنام من كتر الخوف
قلبى بيدق بسرعة جدا وبطنى بتقفش مرة واحدة ونفسى بخده بصعوبة
حاسة بجد بخوف من جوايا
نفسى أوى ترمى جوة حضنك وتخبينى
وحشتينى ووحشتنى حنية الدنيا اللى فيكى
وحشتنى لما تمسكى راسى وتقعدى تقريلى قران
وحشتنى نظرة عينيكى ليا ولهفتك عليا
وحشتنى لما تزعقيلى .. وفى عينيكى خوف من انى اتضايق
وحشتنى لما ازعل منك وتبقى عايزة تحيلينى ...متقولهاش
بس افهمها من عينك وضحكتك وتصالحينى من غير مااحس
.........................

وحشنى الكلام معاكى بليل فى البلكونة واخش عليكى بكوباية الشاى ...يااااااااااااااااااه
وحشنى لما تروحى تعملى مشاوير وتخدينى معاكى ... وتقومى اخر المشوار تجيبيلى بيبسى وشيكولاتة
وحشنى لبسك ياماما
وحشتنى كل حتة فيكى ... والله العظيم كل حتة بجد بمعنى الكلمة حتى ضفر صوباعك الكبير اليمين... لسه فاكراه
وحشنى لما تنامى واقعد اتفرج عليكى وانتى نايمة واسمع نفسك
وحشنى لما تحضنينى وانا نايمة واحاول اتنفس معاكى بنفس التوقيت لحد مااروح فى النوم
وحشنى الاحساس ان يكون فى حد بيخاف عليا اوى كده وانى رقم واحد فى حياته
وحشنى لما ابقى خايفة تقعدى تزعقيلى وتقوليلى انا عارفة ان بنتى قدها وقدود
وحشنى لما تبقى قاعدة فى الصالة وانا على الجهاز وتقوليلى " ريرى حبيب ماما ما تيجى تقعدى مع ماما شوية بقى "
وحشنى لما اعدى ادام الحمام والمطبخ ابص على اوضتك الاقيكى نايمة على جمبك اليمين كعادتك وتحتك مخدتين
وحشنى صوتك
وحشنى الاحساس ان فى ضهر اتسند عليه
وحشنى صوت ضحكتك مع ضحكتى ... صوتى كان عالى اوى دايما .. علمتينى الضحك بحرية من غير اى قيود
وحشنى حبك للحياة وحشنى تفاؤلك وحشنى رغيك وطريقتك فى الكلام وحشنى ذكائك وفهمك لكل حاجة وهى طايرة
وحشنى طريقتك فى الوضوء وتخرجى مغرقة الشبشب ماية عشان مش بتلبسيه صح
وحشنى طبيخك ووقفتك فى المطبخ وحشنى كلامك عن بابا
وحشنى عباياتك وجزمتك وطرحتك اللى مكنتيش بتعرفي تلفيها صح واقعد اصمم اظبطهالك وانتى تزعقيلى
.........................

وحشتينى اوى ياماما

امتى هتقوليلى حمد الله على السلامة

حكايته حكاية

بعده يحنن قربه يجنن
الهين.. اللين.. وديع وحنين
وشغل بالى

قلبى كان شباك

انسى بقى وامشى
اقفل على قلبك كفاية تجرحه .. وتعلقه بحبال امانى تطوحه
من انهاردة الحلم مش هيفرحه .. أرجوك متحلمشى

.............................

غلطت فى حقك اوى وللأسف مازلت

عرفتينى معنى أن يكون الحب حرية

انا فهماكى جدا على فكرة .. بس مش عارفة أتعامل معاكى


عايزة الاجابة:

فى منتهى البساطة



ولا عمرك هتعرفى

مش بأيدى
والله العظيم مابأيدى

أنا بجد زعلانة منك جداااا

مش هيجى أعز منك مهما جانى

كنا فى الفصل فى اعدادى.. ولقيت واحدة صاحبتى جمبى فضلت حاطة راسها على الديسك كتير ومحوطة راسها جامد بايديها الاتنين ..

دينا .. دينا.. فى حاجة يابنتى ... رفعت راسها ولقيتها معيطة جامدة.... وعينيها محمرة أوى " مش محمرة بالزيت .. لون عينيها أحمر يعنى - شوية فوكاهة على خوفيف كده " :)

البنت ديه أصلا كانت أقوى بنت فى الفصل.. جسدا وروحا.... كانت طويلة وعريضة وماشاء الله قوية أوى .. وعمرى مالقيتها زعلانة أو حزينة أو ضعيفة .. كانت دايما منفضة لكل حاجة وبترد على المدرسين وبتعرف تاخد حقها جامد .. وكان المدرسين اصلا بيخافوا منها ومبيحبوش يرخموا عليها فى الفصل ولايسألوها

فاتخضيت عليها ...أول مرة الاقيها ساكتة كده وموطية اوى كأنها مش عايزة حد يشوفها ...

فقلتلها فى ايه يابنتى مالك ... راحت ابتسمت ابتسامة كده بلهاء " بمعنى كأنها ملهاش نفس يعنى او مكسوفة تقول السبب " وقالتلى

أصل تخيلت أن ماما ماتت

..........................

ربنا بجد ميحرمش حد من أعز الناس عليه