أنا عايزة اكبر فى السن ...يمكن افهم الدنيا والناس

أنا بكره سذاجتى قوى
_____________

عايزة اتعلم الموفى ميكر

انى اركب أغنية على صور
_____________

مبقتش بحب النعناع فى الشاى
______________

هو انا لحد مايبقى عندى 40 سنة هتفضلى فى بالى كده بالطريقة دى ؟

ولا هخف شوية ؟

_______________

الواحد لما بيتضايق وبيكتم فى نفسه

درجة حرارة جسمه بتعلى قوى - كأن عنده حمى

________________

المشاعر الانسانية ملهاش وقت معين عشان اعبر عنها

_______________

نفسى يكون ليا بيت لوحدى بقى


ومحسش ان حد متحكم فى كل فسوة فى حياتى بالطريقة دى

_______________

ربنا ليه حكمة فى كل حاجة على فكرة

أكيد ليه حكمة

She knew how to speak with me

She knew how to critize me in away that makes me feel better ..

I do not know how .. I really do not ...I wish I know ... But she could do it

U – simply – can not

U make me feel bad about my self

_____________

ليه بتكسروا مقاديفى كده ؟

_____________

احنا بنضحك على بعض

كل يوم اقول هفتح صفحة جديدة معاكم – واجى فى اخر اليوم اتنيها

اكرمشها وارميها

_____________

أنا اتخنقت منى !

أنا اتخنقت منى !

الحياة ممكن فى لحظة تبقى بمبى - وفى لحظة تانية ...

وعادة مابتتغير بسبب الحب

_________________

الواحد لما بيكون مصدوم مبيعرفش ياخد نفسه

بيحس كانه كان نايم وصحى فجأة على واقع جديد فى حياته

وانه لازم خلال ثوانى يكون اتاقلم

________________

انا بحب المطر قوى

قد مابخاف منه بحبه

_________________

انا بعشق اى حاجة غريبة

________________

بنطلون بيجامة واسع يدخل فيه التنين وتيشيرت سادة / بنسة فى النص

شباك مفتوح - نور فلورسنت 3 لمبات - شاى كتير - فايرفوكس

_______________

انا بحب فيك حاجات كتير قوى

بس اكتر حاجة بتخلينى فعلا اتنازل عن اى حاجة عشانك هو انى بحس انك بتحارب

بتخارب عشان يجمعنا بيت واحد

مهما كانت التضحية !
_______________

انا بحب الهروب فى الحزن / فى الفشل

نوم - أكل - شغل - نوم
_______________

اى حاجة من ريحتها - بتوجعنى قوى

______________

حاجات كتير ليها علاج - وحاجات كتير ملهاش علاج

للأسف ...

_______________

انا - بجد - موجوعة عشانك ومش عارفة اعملك ايه

ربنا يهون عليكى - يارب تنسى وتجرى الايام بسرعة

يارب تجرى الايام بسرعة - ده الحل الوحيد
_______________

زى الهوا: شكرا انك ذكرتينى / افتكرتينى

ربنا يوفقك انتى كمان فى حياتك واللى جاى يكون احسن من اللى فات

He is so pretty to me