الاصعب من ان يكون عندك مشكلة .. ان ميكونش حواليك حد يشاركك الهم ده ..

نفس الفكرة ف الموت

عادى كلنا هنموت بس المهم ان الواحد ميموتش ف الشارع وهو لوحده ... هيفرقف كتير قوى لو معاه حد هيبقى متطمن معاه انه هيستره وهيعرف يتصرف ساعتها
مش عارفة ليه الفكرة دى فى دماغى بقالها فترة وبدعى ربنا بيها
ان لو حصلى حاجة ف الشارع او ف الشغل يبقى معايا حد قادر انه يتصرف ويسترنى


ربنا يسترنا فوق الارض وتحتها

واوعى حسك تفضح حد او متسترهوش او تفضح عيب فيه عشان ساعتها ربنا هيفضحك .. الحتة دى بتخوفنتى قوى لحسن غصبا عنى اقول حاجة وانا مش واخدة بالى واكون كده فضحت حد 

 

أنا مخنوقة بشكل قذر 

فصل الخذلان



متتكلموش ف السياسة عشان محدش عمره هيقتنع برأى التانى وخصوصا ان احنا اصلا مصريين

انا عايزة دايما اعرف اخبارك مهما كانت المسميات بينا

لو نفسك فى حاجة قوى ومتحققتش او عارف انها مش هتتحقق .. احفظها جامد عشان لما تروح لربنا فى الجنة - ده لو روحت :D - تطلبها منه انه يحققهالك

أنا نفسى مخافش 

الحمد لله دائما وابدا 

الحمد لله ع نعمة الاسلام 

واهه ده اللى صار 

اللى عرفنى وقرب منى قوى .. لأما بيحبنى قوى لدرجة بشعة وبيشوف منى أجدع وقفات 

لاما بيكرهنى بشدة وبيحس انى شخصية وحشة ومريضة 

مفيش وسط مش عارفة ليه 

تقريبا عشان بيكونوا متعشمين فيا قوى بزيادة .. وانا بحبطهم 

انا مش ببقى قاصدة اكون كويسة قوى ولا وحشة قوى .. هى بتيجى كده والله 

هو انا عامة مبقتش بحب شخصيتى خالص ونفسى اكون حد تانى غيرى 

انا بكره قوى قعدات الستات فى العزا والغسل والحاجات دى 

برجع كأنى طفلة عندى تلات اربع سنين مثلا ولاحاجة 

بفضل قاعدة جمب اخواتى ولازقة جمبيهم

الجدير بالذكر بقى

 انى تخيلت فى اخر عزا ليا من كام يوم لو اخواتى مثلا مش معايا 

اللى هيكون موجود او هتحل مكانهم هى حماتى 

معرفش ليه جت فى بالى وقتها وحسيت انها الشخص الى هعرف استخبى وراه 

وهى اللى هتحل محل امى زمان واخواتى بعد كده 

ولو واحدة ست رمت بكلمة كده ولا كده هى اللى هتعرف تتكلم وترد 

انا فعلا بحبها قوى ونفسى اقولها ماما 

بس بتخيل ماما واقفة قدامى وزعلانة 

زعلانة انى قولت لحد تانى كده 

وتقولى كده ياريهام بتقولى لحد غيرى ماما ! 

بس هى بقت فى مكانة عالية قوى 

انا بحب الست دى قوى 

كل واحد بياخد ع قد نيته 

كل واحد بياخد ع قد نيته 

انا مش عارفة اللى اختار كلمات تتر مسلسل حكاية حياة كان بيفكر فى ايه الصراحة 

يعنى ايه الكلمات كده 

يعنى ايه بجد ؟ 

مش عايزة حد تانى لما يبلغنى وفاة حد 

يتنيل يقولى بالراحة واهدى فلان مات تعيشى انتى 

غيروا الطريقة عشان مفتكرش وادخل فى حالة من الانهيار 

الله يخربيت الذكريات اللى بتموتنا 

لما تحصل لك مصيبة او ابتلاء من عند ربنا متقولش اشمعنا انا 

ماهو اصل اشمعنى انت برده بتقبض مرتب حلو قوى 

اشمعنى انت عايش عيشة حلوة 

اشمعنى انت مجربتش احساس اليتم 

اشمعنى انت ليك اصحاب كتير واقفين جمبك

اشمعنى انت صحتك كويسة 

فكر ان فى حاجات كتيرة قوى ربنا ادهالك وفضلك بيها عى ناس تانية 

متبصش للوحش اللى عندك وتمسك فيه

افتكر برده ان ربنا اداك كتير 

ورغم كل شئ ... أنت فى عينى أطيب الناس 

ومهما يحصل بعد كده ... النظرة دى عمرها ماهتتغير

عشان دى حقيقة 

والحقايق مش بتتغير مع الوقت 

الحقايق مش بتتغير مع الوقت 

 مهما كانت مشاكلك فى الحياة ... حاول دايما تبتسم وتضحك 

امسك فى الضحكة قوى ... عشان لو مسكت فيها هى كمان هتمسك فيك

والمشاكل هتهون 

اصل كده كده مفيش ابتلاء بيفضل للاخر ... مصيره هينتهى 

حتى الاجل ليه نهاية 

ما احنا اصلنا هنموت فى الاخر 

زمان لما كنت ادخل عند بيت تيتة واسلم على عشرميت ست مثلا ولاحاجة 

واجى عند ماما - وانا كنت لسه سايباها فى الشقة ونازلة بعدها - لازم اسلم عليها واسلم بلهفة جدا 

كأنى بقالى عشرين سنة مثلا مشوفتهاش ولا حاجة

وكنات تضحك قوىو تفرح بده وتحضنى كأنى لسه راجعة من السفر مثلا ولاحاجة 

حنية الدنيا كانت فيها 

انا معاك ان احساس الظلم ابشع احساس فى الدنيا

بس دايما بص للسما وافتكر ان ربنا شايف

شايف كل حاجة ومستنى 

وهيخدلك حقك بس اصبر 

الصبر ده حاجة كبيرة قوى 

بس صعب ... وانا عارفة انه صعب 

بس بجد اللى بيصبر بينول 

اصبر على قضاء ربنا وارضى بيه ...  هتلاقيه كرمك قوى

مشكلة الصيام .. النسكافيه وبس 

النسكافيه الصبح ... عامل زى اول نفس بتاخده بعد غطس طويل 

الحمد لله على كل حاجة حلوة وعلى كل حاجة صعبة علينا

الحمد لله على نعمة الاسلام 

الحمد لله انك ربى وانك موجود دايما جمبى 

الحمد لله دائما وابدا 

أنا تعبت منى 


مش عايزة المس حد ولا حد يلمسنى 

ولا اكلم حد ولا حد يكلمنى 

عايزة انام وبس 

احضن المخدة وانام 

انا تعبت منى قوى

أنا زعلانة قوى منى 

ومش عايزة اكلم حد ولاحد يكلمنى 


مش عايزة اكتب حاجة تانى  فى البوست خلاص 

الجملة اللى بتتقال فى الافلام بمعنى انا حاسس \ حاسة باللى جواك \ جواكى ... ماهى الا بولشيت 

عمر ما فى حد هيحس باللى جواك الا لما يتحط مكانك 

وش كده 

اه فيها تقدير ان اللى قدامك بيحاول يحسسك بالمشاركة الانسانية :riri: 

او انه يحسسك انك مش لوحدك وانه معاك 

بس حتة انه يكون حاسس زيك باللى انت حاسه .. معلش فى طبق رز بلبن مستنيك فى الركن البعيد 

____________________

هههههههههههههههه

يعنى ايه بجد الواحد يبقى ناسى شكل ابوه وأمه 

حد يقف يفهمنى 

يعنى ايه يبقى نفسى اكتب رقم ماما واكلمها احكيلها وملقهاش

وملقهاش فى البيت ولا فى الشارع .. لأ دى مش موجودة ف الدنيا 

____________________

بس ربنا ليه حكمة 

وحكمة كبيرة قوى 

____________________

خليكوا رحماء بعباد الله يرحمكم الله 

____________________

لولا الاكل لكانت الحياة لاتحتمل 

ده مثل رومانى  تقريبا

لو اللى ألف المثل ده لسه موجود معانا كان ضاف البيبسى وشيكولاتة باونتى والنسكافيه الصبح 

____________________

اغانى عمرو دياب زمان ... كانت حلوة بشكل قليل الادب 

كان حاسسها قوى 

صوته اصلا كان حاسس بكل كلمة  بيقولها 

غير دلوقتى

____________________

ومادام بتحبينى ... بتعملى كده ليه معايا ؟

 ليه بتوجعينى كده ؟ 

____________________

ومستحيل ياحزن راح تسكن 

I just miss my mom so much 

__________________

اللى يعرفنى  وقرب منى قوى.. مبيعرفش ينسانى 

مش عشان حاجة 

 بس انا عمرى ماعملت حاجة وحشة فى حق حد عرفته 

____________________

اللى عمل شيكولاتة باونتى .. كان فى حالة من العشق متتوصفش 

كان فى اقصى حالات الفرحة 

______________________

هو ربنا دايما ليه حكمة ف كل حاجة 

ومفيش حاجة بتفضل  ع حالها

مفيش حاجة ابدا بتفضل ع حالها 

الله اعلم بكرة هيحصل ايه ! 

_______________________

أجمل ما فى الحب انك تعبر عنه والاجمل ان يوصلك الاحساس ده

___________________

 يعنى ايه انا نسيت ملامحهم ؟؟ يعنى ايه بجد ؟ 

_____________________

مالك ياحبيب ماما ؟ 

_________________

قلبى مليان بحكايات .. فاكرة يابلدى؟ 

__________________

انا بكره الراجل الجبان .. اللى هو مش راجل اصلا 

_________________

 I am not proud of my self 

_______________

 لما تحس انك متضايق قوى ... افتكر اللى اقل منك 

افتكر ان فى حد مش بيشوف ... طول الوقت قاعد ف ضلمة 

ان فى حد قاعد طول اليوم ع كرسى مجربش احساس الجرى

ان فى حد جعان ومش معاه فلوس ياكل 

ان فى حد عنده ابتلاء اكبر منك بكتير قوى 

افتكر ده دايما وقول الحمد لله ع كل حال 

خليك دايما فى حالة من الرضى

  _______________

أصل ده كتير عليا 

__________________

لما تيجى تحلم ... احلم دايما بالحاجة الأكبر من الحاجة اللى انت عايزها

عشان لما متتحقش ويتحقق الاقل منها يبقى حققت اللى كان نفسك فيه 

_________________

نفسى تحصل معجزة

______________

الكيك اتخلق عشان يتشرب مع الشاى 

دى حقيقة وواقع 

_________________

محدش يقول انه زيها 

عشان محدش زيها 

______________

ليه اشترى بيجامة وانا ممكن اجيب تيشيرت عاجبنى وبنطلون لايق عليه

ليه لازم اجيب اللى فوق لون اللى تحت

ايه الروتينية دى وتقفيلة الدماغ  ديه

_________________

كان نفسى اكون زيك 

أوعى تكونى زيى 

_______________

كل سنة وأنتى بنتى اللى مخلفتهاش

لما بتقع كوباية مننا بتتكسر لحتت

 لو جينا بقى وكسرنا الحتت دى تانى هتبقى فتافيت 

يعنى الفتافيت دى قزاز متكسر 

زى ما هو موضح بالشكل الاعلى رقم 4 

وده كان شرح كلمة فتافيت 

وياريت حد يبقى يكنس الارض 

 

عشان محدش يتعور من القزاز

 

بس خلاص كده تقريبا 

بقى عندى 26 سنة