نفسى تخدينى بالحضن قوى لدرجة انى معرفش اخد نفسى

واشم ريحة جلبيتك وايدى تلمس ضحكتك وابوس خدك قوى زى ما كنت بعمل

والعب فى شعرك وتفضلى تفكى الضفاير اللى بعملهالك فى شعرك

وانا بتفرج على التليفزيون

------------------------

عارفة اكتر حاجة وحشانى ايه ؟

كل حاجة يا ماما

ياااااااااااااااااااه ... كل حاجة

---------------------------

كنت بحس بوجودى معاكى

انا بقيت حاسة انى منبوﺬة من الاخرين

انا بقيت بكره نفسى قوى


----------------------

I feel like abandoned

-----------------

يارب الهمنى القدرة على الصبر وقوة التحمل

عارفه يامه
انا حاسس ان الموت
ماخدتش منك
غير الطرحه
والجلابيه السوده
...
ما انا كل ما اعدي
جنب الاوضه
اسمع صوتك..
وانتى بتضحكى ع الدنيا
وبتدعي لي ...

روح..
ربنا معاك..

ها تسافر..
وهاترجع مجبور الخاطر
وها استناك...

طب اسندى على كتفى
بكره تقومي
بكره تخًفى

عارف مين
بيقع ويقوم
اوعى تدور ع الدفا
فى فلوس وهدوم

ومتنساش تحوش شويه
اصحاب..

وافرح اووى..
لما يدق الباب
وتلاقى حد بيحضنك
لوجه الله...

ياه
فاكره يامه لما كنتي
تعملى بصاره
وتدى منها لابله سارة
يرجع الطبق رز باللبن
يروح لام حسين..
يرجع صنيه بسيسه

يــاه
معقوله فيه كده قلب..!
عارفه يامه
النهارده بقيت بخاف
من اى حاجه
ومن اى حد..
بخاف بجد

مشيت كتير يا امي
لسه الفرح بعيد

يا ترى لسه بتدعيلي
يا ترى لسه بتدعيلي


على سلامة

___________________

يا ترى لسه بتدعيلي !!

فى مواقف كده و ﺬكريات بتيجى للواحد مرة واحدة فى باله

ممكن يكون بيعمل حاجة ومركز فيها كمان ومرة واحدة يشوف ادامه موقف او ﺬكرى قديمة

بكرهها قوى البتاعة دى

يالهوى .... بكرهها قوى

بتوجعنى اكتر من ﺬكرى او موقف بنتعمد نفتكرهم

كأنها بتعاندنى

_________________

مشكلتى انى ضعيفة

أقل حاجة بتكسرنى ومفيش كسر بيقوينى

مفيش

__________________


Haette ich nicht daran gewohnt !!

______________


مبحبش كده ... مبحبش حد يصاحبنى ويقرب منى لمجرد ظروفى

اللى مش بيحبنى لنفسى يبقى خلاص طظ فيا مفيش منفعة يعنى من صحوبيتى

لكن مجرد التفكير ده بجد بيضايقنى قوى ملوش لازمة بجد

__________________


أنا اتعودت على كده خلاص

فأجرحوا براحتكوا

عادى يعنى مش فارقة

الحاجة كده كده مش بتتكسر غير مرة واحدة

انهاردة 1/10

ﺬكرى وفاة بابا

ربنا يرحمه ويغفر له ويدخله فسيح جناته

____________

وحشنى حضنك بليل

وحشتنى قوى يا بابا