قبل وفاة ماما بحوالى شهر - سابت فلوس فى الدرج وقالت ده لريهام عشان تجيب كوتشى جديد وموبايل
نزلت اجيب معاها الكوتشى واختارت لى واحد كان عاجبها جدا ومعجبنيش
وخرجنا من المحل على كده ( كان ساعتها مشغل ام كلثوم وقالتلى انا بحب الاغنية دى قوى )
وملحقتش اجيب موبايل معاها - كانت ماتت
جيت بعدها بكام اسبوع ودخلت نفس المحل واشتريت الكوتشى اللى شاورت عليه
وكان مشغل نفس الاغنية
مكنتش عايزة اجيب موبايل جديد
ساعتها مفكرتش غير فى حاجة واحدة - ان الموبايل الجديد ده مش هيرن عليه رقم واسم ماما
دى كانت اكتر حاجة مضيقانى
اول يوم اشتريت فيه الموبايل - اول رقم رن عليا كان رقم ماما
اللى حصل ان اختى كلمتنى من موبايل ماما
لا تعليق
______________________
الموبايل دلوقتى اتكسر نصين وحطاه جمبى بتفرج عليه
