كل سنة وانت طيب ياعمرو
والعيد اللى جاى بقى نبقى متجوزين
انا زهقت
مجرد وجودك فى حياتى بيفرحنى
يعنى لما بيجى فى بالى فكرة انك فى حياتى اصلا ...مش ببقى قادرة اوصفلك سعادتى
حتى لو احنا زعلانين من بعض
تخيل بقى !
أنت سبب فرحتى
ربنا يخليك ليا
بفتكر ماما قوى فى عيد الاضحى
انا اصلا فى كل لحظة مفتقداها بس فى اوقات كده معينة
ببقى نفسى قوى المسها واحس بوجودها
ماما من أساسايات عيد الأضحى
كانت بتعمل لنا اللحمة من قبل ماننزل نصلى اصلا
كانت دايما بتعمل الكبدة على اساس انها تصبيرة
بعد صلاة الفجر بروح المطبخ اكل من وراها فى الحلة
وتفرح قوى برد الفعل لما اقعد اشكرها وابوسها واقولها انتى شاطرة قوى وخلصتى الاكل بسرعة
وافضل رايحة جاية على المطبخ كل شوية اخد حتة وانا بلبس عشان صلاة العيد
كانت لذيذة قوى :D
ربنا يرحمك يا أمى
أنتى واحشانى قوى
