انا كبرت ع الفشل

اللى قدى دلوقتى بيبدأوا يشوفوا الخظة الجاية فى الكاريير

وانا لسه بفشل ع أول السلم

يا نهار عك !

______________

اللى جوا الواحد بيبان على وشه

الواحد لما بيكون انسان مش كويس سبحان الله بيبان على وشه كده من اول نظرة
_____________

عايزة عشرميت الف يوم اجازة

_____________

اللى بيعمل حاجة - حتى لو كانت صغيرة قوى - بتعود له تانى

سبحان الله

خليك دايما حد كويس وساعد الناس عشان هتعود لك - بصرف النظر عن الثواب عند ربنا
______________

حتى لو مكنتش بحبه - كنت اخترته برده

عشان فيه صفات كتير مش موجودة فى اى حد تانى

____________

مشكلتى انى مبحبش الفشل

بحس انها نهاية العالم
______________

مش طالبة وجع دماغ الصراحة

اللى عايز يتهبب يتهبب

واللى عايز يتنيل يتنيب

_______________

شعرها لسه قصير وضحكتها بتطير أجمد قلب من مكانه
______________

اول ما تلاقى حاجة تضايقك

لاما تغسل سنانك بمعجون سيجنال تو

لاما تدى وشك الناحية التانية
____________

هو مفيش زيك اصلا

مفيش اتنين منك
____________

هى مصر كانت هتبقى ازاى لو مكنش فيها محمد منير ؟

_____________

انا بعشق أى حاجة غريبة / مجنونة
____________

أنا كل ما أعدى جنب الاوضة

اسمع صوتك وانتى بتضحكى ع الدنيا

وبتدعى لى


انا حاسة اصلا انك لسه بتدعيلى